RSS
Færsluflokkur: Bloggar
Fleiri voru teknir af lífi í Asíu en í nokkurri annarri heimsálfu árið 2008. Kína tók fleiri af lífi en öll önnur lönd til samans. Einungis eitt land í Evrópu beitir dauðarefsingunni: Hvíta-Rússland. Þetta kemur fram í nýrri skýrslu Amnesty International um notkun dauðarefsingarinnar um víða veröld árið 2008.
Dauðarefsingin er grimmileg, ómannúðleg og vanvirðandi refsing. Ekki er eðlilegt að á 21. öldinni sé enn verið að afhöfða fólk, hengja það, skjóta, grýta í hel, gefa því eitursprautu eða taka af lífi í rafmagnsstól.
|
Dauðarefsingar dýrar í kreppunni |
| Tilkynna um óviðeigandi tengingu við frétt | |
Fleiri voru teknir af lífi í Asíu en í nokkurri annarri heimsálfu árið 2008. Kína tók fleiri af lífi en öll önnur lönd til samans. Einungis eitt land í Evrópu beitir dauðarefsingunni: Hvíta-Rússland. Þetta kemur fram í nýrri skýrslu Amnesty International um notkun dauðarefsingarinnar um víða veröld árið 2008.
Dauðarefsingin er grimmileg, ómannúðleg og vanvirðandi refsing. Ekki er eðlilegt að á 21. öldinni sé enn verið að afhöfða fólk, hengja það, skjóta, grýta í hel, gefa því eitursprautu eða taka af lífi í rafmagnsstól.
|
|
Dauðarefsingar á undanhaldi |
| Tilkynna um óviðeigandi tengingu við frétt | |
Páfi og mannréttindi homma og lesbía
23.3.2009
Benedikt XVI er nú staddur í Afríku í sinni fyrstu heimsókn þangað. Meðal annars heimsækir hann Kamerún, þar sem kynlíf samkynhneigðra er refsivert athæfi.
Amnesty International hefur beðið Benedikt páfa að hvetja stjórnvöld í Kamerún til að binda enda á mismunun í landinu á grundvelli kynhneigðar.
Háttsettur leiðtogi rómversk-kaþólsku kirkjunnar í Kamerún fordæmdi samkynhneigð í desember 2005, að því er fjölmiðlar í landinu greindu frá á þeim tíma. Margt samkynhneigt fólk hefur sætt ofsóknum í landinu.
Fulltrúar Páfagarðs sögðu á fundi á allsherjarþingi SÞ í desember 2008 að þeir styddu að „forðast ætti allt sem bæri vott um óréttláta mismunun gagnvart samkynhneigðu fólki“ og hvöttu ríki til að hætta að refsa samkynhneigðum fyrir kynhneigð sína.
|
|
Páfi talaði gegn spillingu og fátækt |
| Tilkynna um óviðeigandi tengingu við frétt | |
Mjanmar: þaggað niður í grínista
23.3.2009
Zarganar, sem er vinsæll grínisti, leikari og leikstjóri í Mjanmar og ötull gagnrýnandi herforingjastjórnarinnar í landinu, var dæmdur í 59 ára fangelsi í nóvember 2008. Amnesty International telur hann vera samviskufanga.
Írösk yfirvöld staðfestu nýlega dauðadóm yfir 128 manns, sem nú eiga á hættu að vera teknir af lífi hvenær sem er.
Yfirvöld eru talin ætla að taka 20 manns af lífi á viku.
Ekkert hefur verið upplýst um hvaða einstaklingar verða teknir af lífi. Ekki er vitað hvort nokkur hinna dauðadæmdu var áður fangi bandaríska herliðsins í landinu.
Dómstólar í Bagdad, Basra og öðrum borgum og héruðum felldu dauðadómana á grundvelli refsilöggjafar og hryðjuverkalaga landsins. Amnesty International hefur áhyggjur af því að margir gætu hafa verið dæmdir til dauða í kjölfar réttarhalda, sem ekki hafi uppfyllt alþjóðleg viðmið um sanngjörn réttarhöld.
Skrifaðu bréf og þrýstu á stjórnvöld í Írak að hætta við aftökurnar!
Prentaðu út bréfið hér að neðan og sendu til stjórnvalda í Írak:
